www.pnomsin.com

“ບໍ່ມີແຕ່ເຈົ້າ” ຊະນະລາງວັນ SEA write 2010

admin — Fri, 13 Aug 2010 09:27:56 +0000

“ບໍ່ມີແຕ່ເຈົ້າ” ເປັນບົດປະພັນຂອງ ທ່ານນາງ ດາລາວິລາວົງ ກັນລະຍາ ເຊິ່ງແຕ່ງຂຶ້ນຈາກປະສົບການຕົວຈິງ ໃນການອ້າງເຖິງ ສັດຈະທຳຂອງຊີວິດ ໃນການ ຕໍ່ສູ້່ເພື່ອສິດທິເທົ່າທຽມ ຂອງເພດຍິງ ໃນສັງຄົມ. ເພິ່ນກ່າວວ່າ “ເຖິງແມ່ນວ່າ ພວກເຮົາມີ ນະໂຍບາຍ ແລະ ກົດຫມາຍ ແຕ່ພວກເຮົາກໍ່ ປະເຊີນກັບອຸປະສັກ ເປັນຕົ້ນແມ່ນ ຮີດຄອງ, ປະເພນີ ແລະ ຄວາມທຸກຍາກ ເຊິ່ງເປັນສາເຫດໃຫຍ່ຂອງຄວາມບໍ່ເທົ່າທຽມກັນ” ທີ່ມາ Bor Mi Tae Chao wins SEA Write Award 2010

ຂົວນ້ຳຂອງ ປາກຄອນ-ທ່າເດື່ອ

admin — Wed, 04 Aug 2010 05:22:34 +0000

ຂົວຂ້າມນ້ຳຂອງປາກຄອນ - ທ່າເດື່ອມີຄວາມຍາວ 620 ແມັດ, ກວ້າງ 10,5 ແມັດ ໃນນີ້ທາງລົດແລ່ນກວ້າງ 8 ແມັດ, ທາງຄົນຍ່າງເບື້ອງລະ 1,25 ແມັດ, ມີຮາວພະນັກສອງເບື້ອງສູງ 1,5 ແມັດ, ລວມມີ 7 ເສົາ, ມີ 6 ຊ່ວງ,ໃນນີ້ຊ່ວງທຳອິດເບື້ອງລະ 70 ແມັດ ສ່ວນຊ່ວງກາງຊ່ວງລະ 120 ແມັດ. ພ້ອມນັ້ນ ຍັງໄດ້ກໍ່ສ້າງ ເສັ້ນທາງເຂົ້າຂົວທັງສອງເບື້ອງມີຄວາມຍາວເບື້ອງລະ 3,4 ກິໂລແມັດ. ຄາດວ່າ:ຈະໃຫ້ສຳເລັດໃນກາງປີ 2013 ແລະ ເປີດນຳໃຊ້ຢ່າງເປັນທາງການ. ບໍລິສັດ ອີຈັງຊີແອນດີ ກາບູຄອນສະຕຣັກເຊີນຈອຍເວນເຈີ ຈຳກັດແຫ່ງ ສ.ເກົາຫລີ ເປັນຜຸ້ຮັບເຫມົາ
http://www.pasaxon.org.la/conten/6-7-10/2.htm

ອຸດົມໄຊ: ເປີດໂຮງງານປະກອບໂທລະສັບມືຖື

admin — Wed, 04 Aug 2010 05:14:12 +0000

ໂຮງງານເອເລັກໂຕຣນິກຍີງເຈີລາວ ອຸດົມໄຊ ຈຳກັດ ໄດ້ເປີດໂຮງງານປະກອບໂທລະສັບມືຖື ແລະ ຜະລິດປາລາສະຕິກຂຶ້ນເປັນແຫ່ງທຳອິດຂອງແຂວງອຸດົມໄຊ, ພິທີໄດ້ຈັດຂຶ້ນ ໃນວັນທີ 26 ມິຖຸນາ 2010ໃຫ້ກຽດເຂົ້າຮ່ວມມີທ່ານ ຄຳຫລ້າ ລີ້ງນະສອນ ເຈົ້າແຂວງໆອຸດົມໄຊ ມີທ່ານ ວາງຢີ່ງ ຫົວຫນ້າຫ້ອງວ່າການນະຄອນຊີເມົາ ສປ ຈີນ ມີປະທານບໍລິສັດ ຜູ້ບໍລິຫານໂຮງງານເອເລັກໂຕຣນິກ ຍີງເຈີລາວ ພ້ອມດ້ວຍແຂກທຸກພາກສ່ວນເຂົ້າຮ່ວມ. ໃນພິທີ ທ່ານ ລີ້ຊຽວເວັງ ຜູ້ບໍລິຫານໂຮງງານ
ເອເລັກໂຕຣນິກຍີງເຈີລາວ ອຸດົມໄຊຈຳກັດ, ໄດ້ຂຶ້ນຜ່ານບົດລາຍງານ ຕໍ່ກັບການລົງທຶນ ແລະ ການສ້າງຕັ້ງໂຮງງານ ຢູ່ແຂວງອຸດົມໄຊ ໂຮງງານແຫ່ງນີ້ໄດ້ເລີ່ມສ້າງຕັ້ງ ມາແຕ່ວັນທີ 18 ເດືອນກຸມພາ 2009 ໃນ ເນື້ອທີ່ 20 ພັນຕາແມັດ ໂດຍມີສະຖານີຕັ້ງຢູ່ບ້ານດອນໄຊ ເຊິ່ງໄດ້ນຳໃຊ້ທຶນທັງຫມົດເກືອບ 7 ແສນໂດລາສະຫະລັດ ມີອາຍຸການລົງທຶນເປັນເວລາ 15 ປີ ປະຈຸບັນ ການກໍ່ສ້າງພື້ນຖານໂຄງລ່າງ ຂອງໂຮງງານປະກອບໂທລະສັບມືຖື ແມ່ນສຳເລັດ 100% ແລະ ທາງໂຮງງານ ໄດ້ນຳເອົາໂທລະສັບຍີ່ຫໍ້ຕ່າງໆ ເຂົ້າມາປະກອບທົດລອງໄດ້ 800 ເຄື່ອງ ແລະ ໄດ້ວາງຈຳຫນ່າຍຢູ່ຫລາຍແຂວງເຊັ່ນ: ແຂວງອຸດົມໄຊ, ຜົ້ງສາລີ, ໄຊຍະບູລີ,
ຫລວງພະບາງ ແລະ ແຂວງອື່ນໆ. ຜ່ານໄລຍະການປະກອບ ແລະ ຈຳຫນ່າຍ 3 ເດືອນຜ່ານມາເຫັນວ່າ ໄດ້ຮັບຄວາມນິຍົມຈາກຜູ້ຊົມໃຊ້ດີພໍສົມຄວນປະຈຸບັນນີ້ ໂຮງງານຍີງເຈີລາວ ສາມາດປະກອບໂທລະສັບມືຖື ໄດ້ 200 ເຄື່ອງຕໍ່ວັນ ເຊິ່ງປະກອບມີກຳມະກອນ 10 ກວ່າຄົນ:
ທ່ານ ລີ້ຊຽງເວັງ ຜູ້ບໍລິຫານໂຮງງານ – ເອເລັກໂຕຣນິກຍີງເຈີລາວກ່າວຕື່ມວ່ານອກ ຈາກປະກອບໂທລະສັບແລ້ວ ທາງໂຮງງານຍັງຈະປະກອບຄອມພີິວເຕີ ແລະ
ກ້ອງຖ່າຍດີຈີຕອນນຳອີກ ສ່ວນໂຮງງານຜະລິດປາລາສະຕິກ ປະຈຸບັນ ພວມດຳເນີນການກໍ່ສ້າງໂຮງງານ ແລະ ສຳເລັດ 30% ຄາດວ່າຈະໃຫ້ສຳເລັດ ໃນລະຫວ່າງກາງ
ປີ 2011 ພ້ອມທັງສືບຕໍ່ຂະບວນການຜະລິດ, ສ່ວນຜະລິດຕະພັນດັ່ງກ່າວ ຈະໄດ້ຜະລິດໂກບລົດຈັກ, ຖົງຢາງ, ຖ້ວຍ, ບ່ວງ ແລະ ອື່ນໆ.

(ໂດຍ: ໄລພອນ ແກ້ວມະນີວອນ)

http://www.pasaxon.org.la/conten/5-7-10/news11.htm

ຫວຽດນາມ ເລີ່ມກໍ່ສ້າງໂຮງໄຟຟ້າ ພະລັງງານຖ່ານຫີນ

admin — Sun, 11 Jul 2010 08:54:38 +0000

(ຂປລ): ໃນວັນທີ່ 5 ກໍລະກົດນີ້, ສື່ທາງການຂອງຫວຽດນາມລາຍງານວ່າ ຫວຽດນາມ ໄດ້ເລີ່ມຕົ້ນກໍ່ສ້າງໂຮງໄຟຟ້າພະລັງງານຖ່ານຫີນ ມີມູນຄ່າ 1.200 ລ້ານໂດລາສະຫະລັດ.
ຫນັງສືພິມຫວຽດນາມ ນິວສ ລາຍງານວ່າ ໂຄງການໂຮງໄຟຟ້າຫງິເຊີນ 1 ແຫ່ງນີ້ ຈະດຳເນີນການຜະລິດເຕັມຮູບແບບ ພາຍໃນປີ 2014 ດ້ວຍກຳລັງ ການ ຜະລິດ 600 ເມກາວັດ ໂດຍໄດ້ຮັບທຶນສະຫນັບສະຫນູນຈາກ ຍີ່ປຸ່ນ 85% ຂອງມູນຄ່າການກໍ່ສ້າງທັງຫມົດ 1.200 ລ້ານໂດລາສະຫະລັດ. ໂຄງການດັ່ງກ່າວ ຕັ້ງຢູ່ໃນແຂວງແທງຮວ່າ ຫ່າງຈາກນະຄອນຫລວງຮ່າໂນ້ຍ ໄປທາງທິດໃຕ້ກວ່າ 150 ກິໂລແມັດ. ລາຍງານລະບຸວ່າ ທ່ານ ຫງວຽນ ເຕິນຢຸງ ນາຍົກລັດຖະມົນ ຕີຫວຽດນາມ ໄດ້ເຂົ້າພິທີວາງສີລາລຶກ ໃນວັນທີ່ 3 ກໍລະກົດທີ່ຜ່ານມານັ້ນ ກ່າວວ່າ ໂຄງການນີ້ ຈະຊ່ວຍຜະລິດກະແສໄຟຟ້າໃຫ້ແກ່ໂຮງກັ່ນນ້ຳມັນ ແລະ ໂຮງງານອື່ນໆອີກຫລາຍແຫ່ງໃນພື້ນທີ່ຂອງຫວຽດນາມ ມີກະປສໄຟໄ້າໃຊ້ຢ່າງພຽງພໍ ແລະ ເຮັດໃຫ້ຫວຽດນາມມີແຫລ່ງພະລັງງານທີ່ຫລາກຫລາຍ ໂດຍກວ່າ 1/3 ຂອງແຫລ່ງພະລັງງານຂອງປະເທດ ມາຈາກໂຮງໄຟຟ້າພະລັງນ້ຳ ແລະ ລັດຖະບານມີເປົ້າຫມາຍທີ່ຈະເປີດໂຮງໄຟຟ້າພະ ລັງງານນິວເຄລຍ ແຫ່ງ ທຳອິດ ຂຶ້ນ ໃນປີ 2020./.

http://www.kplnet.net/lao/world/world5.htm

ອັດຕາ ການຂະຫຍາຍຕົວທາງເສດຖະກິດ ຈະເພີ່ມຂຶ້ນ

admin — Sat, 08 May 2010 11:00:39 +0000

ຕາມບົດລາຍງານການຄາດຄະເນ ການພັດທະນາໃນອາຊີ ຂອງທະນາຄານພັດທະນາອາຊີ (ADB) ວັນທີ 26 ເມສາ 2010 ໃຫ້ຮູ້ວ່າ: ການຂະຫຍາຍຕົວ ທາງເສດຖະກິດຂອງ ສປປ ລາວ ຄາດວ່າຈະຂະຫຍາຍຕົວຢູ່ໃນລະດັບ 7,0% ໃນປີ 2010 ແລະ ຈະຂະຫຍາຍຕົວຢູ່ທີ່ 7,5% ໃນປີ 2011 ເນື່ອງ ຈາກເສດຖະກິດຂອງໂລກ ໄດ້ຮັບການຟື້ນຟູ ແລະ ເລີ່ມມີການຈັດຕັ້ງ ການປະຕິບັດການລົງທຶນຂະໜາດໃຫຍ່ ເຊິ່ງມັນຈະປະກອບສ່ວນໃຫ້ການເພີ່ມຂຶ້ນ ຂອງຜະລິດຕະພັນພາຍໃນ.

ເນື່ອງຈາກການເຊື່ອມໂຍງທາງດ້ານເສດຖະກິດເຂົ້າກັບເສດຖະກິດຂອງໂລກ ຍັງບໍ່ທັນກວ້າງຂວາງ ເສດຖະກິດຂອງ ສປປ ລາວ ແມ່ນບໍ່ໄດ້ຮັບຜົນກະ ທົບຫຼາຍພໍເທົ່າໃດຈາກວິກິດການ ການເງິນຂອງໂລກ ເຊິ່ງເສດຖະກິດລາວ ຍັງສາມາດຂະຫຍາຍຕົວຢ່າງແຂງແຮງຢູ່ໃນລະດັບ 6,5% ໃນປີ 2009.

ອີງຕາມບົດລາຍງານປະຈຳປີຂອງ ADB ຕໍ່ກັບການຄາດຄະເນການຈະເລີນເຕີບໂຕທາງເສດຖະກິດອາຊີ ໃນປີ 2010 (Asian Development Outlook 2010) ແຮງຊຸກຍູ້ໃນການຂະຫຍາຍຕົວຂອງເສດຖະກິດ ອາດຈະໄດ້ຮັບຜົນກະທົບຈາກການຟື້ນຕົວຂອງເສດຖະກິດຂອງໂລກ ທີ່ຍັງອ່ອນແອ ແລະ ສະພາບການເມືອງທີ່ບໍ່ສະຫງົບຢູ່ໃນປະເທດເພື່ອນບ້ານ.

ບັນຫາທີ່ທ້າທາຍໃນໄລຍະອັນໃກ້ລວມມີ ການຮັກສາຄ່າເງິນເຟີ້ໃຫ້ຢູ່ຕ່ຳ ຮັກສາສະເຖຍລະພາບຂອງອັດຕາແລກປ່ຽນເງິນຕາ ແລະ ການສະສົມເງິນຕາ ຕ່າງປະເທດໃຫ້ພຽງພໍ ໃນໄລຍະກາງ ສປປ ລາວ ຈຳເປັນຕ້ອງໄດ້ຂະຫຍາຍຖານເສດຖະກິດຂອງຕົນ ແລະ ເພີ່ມການສ້າງວຽກເຮັດງານທຳ ເພື່ອຕອບ ສະໜອງຄວາມຕ້ອງການແຮງງານທີ່ເພີ່ມຂຶ້ນ ປະເທດລາວ ອາດຈະເພີ່ມຄວາມພະຍາຍາມເຂົ້າໃນການປັບປຸງສະພາບແວດລ້ອມທີ່ອຳນວຍໃຫ້ແກ່ການ ດຳເນີນທຸລະກິດຂອງພາກເອກະຊົນ.

ອັດຕາເງິນເຟີ້ສະເລ່ຍໝົດປີ ຄາດວ່າຈະເພີ່ມຂຶ້ນເຖິງ 5,6% ໃນປີ 2010 ແລະ 6,0% ໃນປີ 2011 ເນື່ອງມາຈາກການເຕີບໂຕສູງຂຶ້ນຂອງລາຄານ້ຳ ມັນ ແລະ ລາຄາສະບຽງອາຫານໃນໂລກ ການເພີ່ມຂຶ້ນໄວຂອງສິນເຊື່ອໃຫ້ແກ່ພາກທຸລະກິດຢ່າງໄວວາ ແລະ ການນຳໃຊ້ອາກອນມູນຄ່າເພີ່ມທີ່ໄດ້ເລີ່ມ ປະຕິບັດມາຕັ້ງແຕ່ເດືອນມັງກອນ 2010 ໃນຂະນະທີ່ເງິນເຟີ້ສະເລ່ຍປີ 2009 ແມ່ນຢູ່ທີ່ 0,1%.

ພາກການສົ່ງອອກ ຄາດວ່າຈະເພີ່ມຂຶ້ນຢູ່ໃນລະດັບ 15% ໃນປີ 2010 ອັນເນື່ອງມາຈາກລາຄາທອງແດງ ແລະ ລາຄາຄຳ ທີ່ຍັງຄົງຢູ່ໃນລະດັບສູງ ແລະ ການເພີ່ມຂຶ້ນຂອງການສົ່ງອອກໄຟຟ້າໃນຂະແໜງພະລັງງານ ໂດຍສະເພາະແມ່ນມາຈາກໂຄງການພະລັງງານໄຟຟ້ານ້ຳເທີນ 2.

ພາກການນຳເຂົ້າ ຄາດວ່າຈະເພີ່ມຂຶ້ນໃນອັດຕາທີ່ຕ່ຳກ່ວາໝູ່ ຖ້າທຽບໃສ່ອັດຕາການເພີ່ມຂຶ້ນຂອງພາກສົ່ງອອກ ເຊິ່ງມັນຈະສົ່ງຜົນໃຫ້ຫຼຸດການຂາດດຸນ ບັນຊີເດີນສະພັດ ຢູ່ໃນ 10% ຂອງຜະລິດຕະພັນພາຍໃນ.

ໃນປີ 2009 ຜົນຜະລິດທາງດ້ານອຸດສາຫະກຳໄດ້ເພີ່ມຂຶ້ນ 17% ເຊິ່ງເຮັດໃຫ້ຂະແໜງດັ່ງກ່າວເປັນຂະແໜງທີ່ຂະຫຍາຍຕົວດີທີ່ສຸດຂອງດ້ານເສດຖະກິດ ບັນດາບໍລິສັດຂຸດຄົ້ນບໍ່ແຮ່ ແລະ ບໍລິສັດພະລັງງານໄດ້ສືບຕໍ່ຂະຫຍາຍທຸລະກິດຂອງຕົນ ເຖິງແມ່ນວ່າບາງໂຄງການໄດ້ຖືກເລື່ອນການຈັດຕັ້ງປະຕິບັດ ອອກໄປ ອັນເນື່ອງມາຈາກວິກິດການ ການເງິນຂອງໂລກ.

ການກໍ່ສ້າງບັນດາຖະໜົນຫົນທາງ ແລະ ຕຶກອາຄານຕ່າງໆສຳລັບງານມະຫະກຳກີລາຊີເກມໃນເດືອນທັນວາ 2009 ແລະ ງານສະເຫຼີມສະຫຼອງນະ ຄອນຫຼວງວຽງຈັນ ຄົບຮອບ 450 ປີ ເຊິ່ງຈະໄດ້ຈັດຂຶ້ນໃນປີນີ້ ຈະຊ່ວຍເປັນແຮງຊຸກຍູ້ໃຫ້ແກ່ຄວາມຕ້ອງການ ການບໍລິໂພກພາຍໃນປະເທດເພີ່ມຂຶ້ນ

http://www.vientianemai.net/news.php?col=1&id=1339

ຈະສຳຫຼວດທາງລົດໄຟ ຫຼັກ 31-ທົ່ງມັ່ງ

admin — Sat, 08 May 2010 10:45:26 +0000

ສປປ ລາວ ອະນຸຍາດໃຫ້ອົງການລົດໄຟໃຕ້ດິນນະຄອນຫຼວງເຊອູນ ສາທາລະນະລັດເກົາຫຼີ ສຶກສາຄວາມເປັນໄປໄດ້ໂຄງການກໍ່ສ້າງເສັ້ນທາງລົດໄຟ ແຕ່ກິໂລແມັດທີ 31-ທົ່ງມັ່ງ ເມືອງໄຊທານີ ນະຄອນຫຼວງວຽງຈັນ ມີຄວາມຍາວ 25 ກີໂລແມັດ ເຊິ່ງໂຄງການດັ່ງກ່າວແມ່ນມີຜົນດີໃນການນຳເຂົ້າ ແລະ ສົ່ງອອກສິນຄ້າ ໂດຍສະເພາະແມ່ນການສົ່ງອອກແຮ່ທາດໂປຕາສ ທີ່ຈີນ ກຳລັງຂຸດຄົ້ນໃນລາວ.

ພິທີເຊັນບົດບັນທຶກ ໂຄງການກໍ່ສ້າງເສັ້ນທາງລົດໄຟດັ່ງກ່າວ ໄດ້ຈັດຂຶ້ນໃນວັນທີ 28 ເມສາ 2010 ທີ່ກະຊວງໂຍທາທິການ ແລະ ຂົນສົ່ງ ໂດຍຝ່າຍລາວ ແມ່ນທ່ານ ຄຳແສງ ໄຊຍະກອນ ປະທານອົງການລົດໄຟ ແລະ ຝ່າຍເກົາຫຼີ ແມ່ນທ່ານ ຄິມກຶນຊູ ຜູ້ຈັດການດ້ານເຕັກນິກ ອົງການລົດໄຟໃຕ້ດິນນະ ຄອນຫຼວງເຊອູນ ສາທາລະນະລັດເກົາຫຼີ ເຊິ່ງມີເອກອັກຄະລັດຖະທູດ ສ.ເກົາຫຼີ ປະຈຳລາວ ຫົວໜ້າຫ້ອງການກະຊວງໂຍທາທິການ ພ້ອມພາກສ່ວນ ກ່ຽວຂ້ອງເຂົ້າເປັນສັກຂີພິຍານ.

ບົດບັນທຶກສະບັບນີ້ ແມ່ນເພື່ອເລີ່ມຕົ້ນການສຳຫຼວດຄວາມເປັນໄປໄດ້ຂອງໂຄງການລົດໄຟ ແຕ່ກິໂລແມັດ 31-ທົ່ງມັ່ງ ເພື່ອນຳສະເໜີຕໍ່ກອງທຶນຮ່ວມມື ແລະ ພັດທະນາເສດຖະກິດ ສ.ເກົາຫຼີ ນອກນັ້ນໃນບົດບັນທຶກ ກະຊວງໂຍທາທິການ-ຂົນສົ່ງ ແລະ ອົງການລົດໄຟໃຕ້ດິນ ນະຄອນຫຼວງເຊອູນ ຈະໄດ້ ຮ່ວມມືກັນໃນການວາງແຜນຜັງທາງລົດໄຟ ການເງິນ ການກໍ່ສ້າງ ການຄຸ້ມຄອງ ການບໍລິຫານ ແລະ ເຝິກອົບຮົມພະນັກງານ ສ່ວນໄລຍະຂອງການ ສຶກສາຄວາມເປັນໄປໄດ້ແມ່ນເປັນເວລາ 1 ເດືອນ ໃນໄລຍະຂອງບົດບັນທຶກ 6 ເດືອນ.

http://www.vientianemai.net/news.php?col=1&id=1354

ປີ 2009 ລາວ ມີຕົວເລກສະພາບຄວາມທຸກຍາກ 21,6%

admin — Sat, 08 May 2010 10:35:04 +0000

ການພັດທະນາເສດຖະກິດ-ສັງຄົມຂອງ ສປປ ລາວ ມີການປັບປຸງໃຫ້ເຂັ້ມແຂງ ແລະ ຂະຫຍາຍຕົວເປັນກ້າວໆໃນທົດສະວັດຜ່ານມາ ໂຕເລກສະພາບ ຄວາມທຸກຍາກຂອງລາວເຮົາ ໄດ້ຫຼຸດລົງເປັນລຳດັບ ຄື: ປີ 1990 ມີ 48% ປີ 1992 ມີ 46% ປີ 1997 ມີ 39% ປີ 2002 ມີ 33,5% ປີ 2007 ມີ 26% ແລະ ປີ 2009 ມີ 21,6%.

ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 6 (2006-2010) ບົນພື້ນຖານການຈັດຕັ້ງ ຜັນຂະຫຍາຍຍຸດທະສາດ ວ່າດ້ວຍ ການຂະຫຍາຍຕົວ ແລະ ລຶບລ້າງຄວາມທຸກຍາກແຫ່ງຊາດ ໄດ້ປະສົບຜົນສຳເລັດໃຫຍ່ຫຼວງ ສາມາດສ້າງລາຍຮັບສະເລ່ຍ ຕໍ່ຫົວຄົນບັນລຸ 866 ໂດລາ/ ຄົນ/ປີ ຄຽງຄູ່ກັບການຂະຫຍາຍຕົວຢ່າງໄວວາດັ່ງກ່າວ ການນຳໃຊ້ຊັບພະຍາກອນທຳມະຊາດ ກໍແມ່ນບັນຫາໜຶ່ງທີ່ສຳຄັນທີ່ພວກເຮົາ ຕ້ອງໄດ້ເອົາໃຈໃສ່ ປົກປັກຮັກສາ ແລະ ນຳໃຊ້ແບບຍືນຍົງ ຊຶ່ງເນື້ອທີ່ປ່າປົກຫຸ້ມໃນປີ 1940 ມີປະມານ 70% ແລະ ຫຼຸດລົງເປັນ 41% ໃນປີ 2002 ໂດຍເຫັນໄດ້ເຖິງ ບັນຫາດັ່ງກ່າວ ລັດຖະບານ ສປປ ລາວ ໄດ້ເອົາໃຈໃສ່ປົກປັກຮັກສາອະນຸຮັກຊັບພະຍາກອນທຳມະຊາດ ຢ່າງຕໍ່ເນື່ອງລຽນຕິດ ປັດຈຸບັນ ລັດຖະບານ ໄດ້ ກຳນົດເນື້ອທີ່ປະມານ 10,2 ລ້ານເຮັກຕາ ຫຼື ປະມານ 43,5% ຂອງເນື້ອທີ່ທົ່ວປະເທດ ເປັນປ່າສະຫງວນ ປ່າປ້ອງກັນ-ປ່າຜະລິດ ແລະ ໃນປີ 2007 ລັດຖະບານ ໄດ້ວາງຄາດໝາຍສູ້ຊົນ ຕ້ອງຂະຫຍາຍເນື້ອທີ່ປົກຫຸ້ມຂອງປ່າໄມ້ໃຫ້ໄດ້ 70% ໃນປີ 2020.

http://www.vientianemai.net/news.php?col=1&id=1363

ຈ່າຍຄ່າໄຟ? ຈ່າຍຜ່ານATM ກໍ່ໄດ້

admin — Sat, 08 May 2010 10:20:20 +0000

ທະນາຄານການຄ້າຕ່າງປະເທດ ເລີ້ມໃຫ້ການບໍລິການລະບົບ ATM ໃນປີ 2004 ແລະ ໃນອະນາຄົດອັນໃກ້ນີ້ ພວກເຮົາຈະສາມາດຈ່າຍເງິນ ຄ່າກະແສໄຟຟ້າ ແລະ ນ້ຳປະປາ ຜ່ານລະບົບ ATM ຂອງທະນາຄານ ນອກນີ້ ທ່ານຍັງສາມາດ ໃຊ້ບັດ ATM ໃນການຊື້ສິນຄ້າແລະບໍລິການ ຕາມໂຮງແຮມ ຮ້ານຄ້າ ແລະ ປ້ຳນ້ຳມັນທີ່ມີໂລໂກ ຂອງ BCEL

Water supply and electricity payment possible via ATM

(KPL) Lao people nationwide will pay their monthly bills of water supply and electricity through the Automated Teller Machine (ATM) system of the Banque pour le Commerce Exterieur Lao in the near future.

The Deputy Head of the Research and Strategic Plan Centre of the Banque pour le Commerce Exterieur Lao (BCEL), Mme. Kongchay Thanomsinh, said at the grand opening of a new branch of M-Point Mart on 4 April.

Mme. Kongchay continued that the BCEL’s objectives were to provide convenience to our customers in buying consumer goods and reduce risks of carrying large amount of cash.

At present, Lao people nationwide who have ATM cards can apply this card instead of cash to buy goods at hotels, restaurants, stores and gas stations where they are BCEL members marked with its logo, she added.

The BCEL started introducing ATM for customers in 2004.

ຈະແກ້ໄຂ ລະບົບວາງສາຍ ໂທລະສັບໄຟຟ້າ ເຄເບີ້ນ

admin — Fri, 02 Apr 2010 11:28:17 +0000

ກອງປະຊຸມປຶກສາຫາລື ແກ້ໄຂລະບົບການເດີນສາຍໄຟຟ້າ ສາຍໂທລະສັບ ສາຍເຄເບີ້ນໂທລະພາບ ຢູ່ຕາມເສັ້ນທາງໃຫຍ່ ໃນນະຄອນຫຼວງວຽງຈັນ ໄດ້ມີ ຂຶ້ນວັນທີ 31 ມີນາ 2010 ທີ່ອົງການໄປສະນີ ແລະ ໂທລະຄົມມະນາຄົມແຫ່ງຊາດ ໂດຍເປັນປະທານຂອງທ່ານ ປະດັບເພັດ ໄຊຍະໂຄດ ຮອງປະ ທານອົງການໄປສະນີ ແລະ ໂທລະຄົມມະນາຄົມແຫ່ງຊາດ ເຊິ່ງມີທ່ານ ສີຄອນ ອ່ອນສີພັນລາ ຫົວໜ້າພະແນກໄປສະນີ ແລະ ໂທລະຄົມມະນາຄົມ ນະຄອນຫຼວງວຽງຈັນ ມີຜູ້ຕາງໜ້າ ຫ້ອງວ່າການປົກຄອງນະຄອນຫຼວງວຽງຈັນ ກົມບໍລິສັດ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ພ້ອມກັນຕີລາຄາຄືນ ສະພາບການເດີນສາຍໄຟຟ້າ ໂທລະສັບ ສາຍເຄເບີ້ນໂທລະພາບ ທີ່ຍັງບໍ່ທັນເປັນລະບຽບຮຽບຮ້ອຍ ຕາມເສັ້ນທາງໃຫຍ່ ໃນນະຄອນຫຼວງວຽງຈັນ ພ້ອມທັງຄົ້ນຄ້ວາ ປຶກສາຫາລືເປັນເອກະພາບ ແກ້ໄຂ ດ້ວຍວິທີຕັ້ງຄະນະກຳມະການຮັບຜິດຊອບ ດຳເນີນງານແກ້ໄຂໂດຍກົງ ໂດຍປະກອບມີ ບັນດາພາກສ່ວນຕ່າງໆທີ່ກ່ຽວຂ້ອງ ພາຍໃຕ້ການຊີ້ນຳ ຈາກຄະນະນຳນະຄອນຫຼວງວຽງຈັນ ແລະ ອົງການໄປສະນີ ແລະ ໂທລະຄົມມະນາ ຄົມແຫ່ງຊາດ ເຊິ່ງການຈັດຕັ້ງປະຕິບັດວຽກງານດັ່ງກ່າວ ຄາດວ່າຈະໄດ້ດຳເນີນ ໃນທ້າຍເດືອນເມສາ 2010 ພາຍຫຼັງແຕ່ງຕັ້ງຄະນະກຳມະການຮັບຜິດ ຊອບສຳເລັດ.
http://www.vientianemai.net/news.php?col=1&id=1185

Earth hour in Vientiane

admin — Mon, 29 Mar 2010 09:54:13 +0000

ເນື່ອງໃນໂອກາດການສ້າງຂະບວນການ ມອດໄຟຟ້າໃນວັນໂລກ ວັນທີ 27 ມີນາ 2010 ອົງການຊັບພະຍາກອນນ້ຳ ແລະ ສິ່ງແວດລ້ອມ ສຳນັກງານ ນາຍົກລັດຖະມົນຕີ ຮ່ວມກັບ ອົງການປົກຄອງນະຄອນຫຼວງວຽງຈັນ ພ້ອມດ້ວຍຊາວນະຄອນຫຼວງ ຮ່ວມກິດຈະກຳດັ່ງກ່າວຂຶ້ນ ເຊິ່ງພາຍໃນງານນອກຈາກ ຈະມີການມອດໄຟຟ້າ 1 ຊົ່ວໂມງ ເຊິ່ງເລີ່ມແຕ່ເວລາ 19:00-20:00 ໂມງ ໂດຍກຳນົດເອົາປະຕູໄຊເປັນໃຈກາງຂອງງານ ນອກນີ້ກໍມີເສັ້ນທາງລ້ານຊ້າງ ສຳນັກງານນາຍົກລັດຖະມົນຕີ ຫໍຄຳ ທາດຫຼວງ ແລະ ສະຖານທີ່ອື່ນໆອີກຈຳນວນໜຶ່ງ ພ້ອມດຽວກັນນີ້ ໃນເວທີກາງປະຕູໄຊ ກໍມີການສະແດງສິລະປະ ວັນນະຄະດີ ຈາກກອງສິລະປະກອນກອງທັບ ແລະ ບັນດານັກຮ້ອງ-ນັກສະແດງ ຈາກພາກສ່ວນຕ່າງໆ ເຂົ້າຮ່ວມສ້າງບັນຍາກາດໃນຄັ້ງນີ້ ຢ່າງເບີກບານມ່ວນຊື່ນ ແລະ ມີເນື້ອໃນຄວາມໝາຍ.
ພາບຈາກ ເວັບໄຊ ຂອງ ແສງລັດສະຫມີ