www.pnomsin.com

ຂົວຫີນເຫີບແຫ່ງໃຫມ່ ເປີດການນຳໃຊ້ຢ່າງເປັນທາງການ

admin — Thu, 04 Feb 2010 08:51:30 +0000

ຂົວຫີນເຫີບແຫ່ງໃໝ່ ແຂວງວຽງຈັນ ໄດ້ຮັບການ ຊ່ວຍເຫລືອລ້າຈາກລັດຖະ ບານຍີ່ປຸ່ນ ມີມູນຄ່າ 933 ລ້ານເຢັນ (ສະກຸນເງິນຍີ່ປຸ່ນ), ການກໍ່ສ້າງສຳເລັດ ເປັນການ ປະກອບສ່ວນອັນສຳຄັນ ໃຫ້ແກ່ການພັດທະນາພື້ນຖານໂຄງລ່າງດ້ານຄົມມະນາຄົມ – ຂົນສົ່ງ ພາຍໃນແຂວງວຽງຈັນກໍ່ຄື ສປປ ລາວ ໃຫ້ໄດ້ຮັບການຍົກລະດັບ ຕາມມາດຕະຖານສາກົນ.

ໂຄງການກໍ່ສ້າງຂົວຫີນ ເຫີບແຫ່ງໃໝ່ຢູ່ຫ່າງຈາກຂົວ ເກົ່າປະມານ 200 ແມັດ, ເປັນ ຂົວເບຕົງເສີມເຫລັກອັດແຮງ ແບບຕໍ່ເນື່ອງ, ລວງຍາວຂອງ ຂົວ 195 ແມັດ, ກ້ວາງ 10 ແມັດ, ມີທາງຍ່າງເບື້ອງລະ 1 ແມັດ, ມີຈຸດຊົມວິວ, ໄຟເຍືອງ ທາງຂົວ ແລະ ທາງເຂົ້າຫາຂົວ ສອງເບື້ອງມີລວງຍາວ 755 ແມັດ, ໜ້າທາງກ້ວາງ 11 ແມັດ ປູດ້ວຍເບຕົງເສີມເຫລັກ, ພິທີ ເປີດການນຳໃຊ້ຂົວຫີນເຫີບ ແຫ່ງໃໝ່ຢ່າງເປັນທາງການໄດ້ ຈັດຂຶ້ນເມື່ອວັນທີ 28 ມັງກອນ 2010, ໃຫ້ກຽດເຂົ້າຮ່ວມໂດຍ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການ ຕ່າງປະເທດ, ທ່ານ ມາຊາອາ ກິ ມິຢາຊິຕະ ເອກອັກຄະລາຊະ ທູດຍີ່ປຸ່ນປະຈຳລາວ, ທ່ານ ຄຳເມິງ ພົງທະດີ ເຈົ້າແຂວງໆ ວຽງຈັນ, ແຂກຖືກເຊີນ, ຕະ ຫລອດຮອດອຳນາດການປົກ ຄອງເມືອງ, ບ້ານ ແລະ ພໍ່ແມ່ ປະຊາຊົນເຂົ້າຮ່ວມ. ໃນພິທີ, ທ່ານ ສົມມາດ ພົນເສນາ ລັດ ຖະມົນຕີວ່າການກະຊວງໂຍ ທາທິການ-ຂົນສົ່ງ ໄດ້ກ່າວຄຳ ເຫັນ ມີບາງຕອນທ່ານກ່າວວ່າ: ສາຍພົວພັນມິດຕະພາບ ແລະ ການຮ່ວມມືລະຫວ່າງລາວ-ຍີ່ ປຸ່ນ ໄດ້ມີມາແຕ່ດົນນານແລ້ວ, ລັດຖະບານ ແລະ ປະຊາຊົນຍີ່ ປຸ່ນ ໄດ້ໃຫ້ການຊ່ວຍເຫລືອແກ່ ລັດຖະບານ ແລະ ປະຊາຊົນ ລາວ ຢ່າງຕໍ່ເນື່ອງໃນຫລາຍ ດ້ານ ແລະ ໄດ້ເພີ່ມທະວີຂຶ້ນ ເລື້ອຍໆ ໂດຍສະເພາະແມ່ນ ການຊ່ວຍເຫລືອລ້າຂອງລັດ ຖະບານຍີ່ປຸ່ນໃຫ້ແກ່ ສປປ ລາວ ໃນຂົງເຂດການກໍ່ສ້າງ ພື້ນຖານໂຄງລ່າງທາງດ້ານ ເສດຖະກິດ, ວັດທະນະທຳ-ສັງ ຄົມເຊັ່ນ: ໂຄງການກໍ່ສ້າງບັນ ດາຂົວຕາມທາງ 13 ໃຕ້, ໂຄງ ການກໍ່ສ້າງຂົວຂ້າມແມ່ນ້ຳ ຂອງທີ່ປາກເຊ, ໂຄງການກໍ່ ສ້າງເສັ້ນທາງເລກ 9 ຊ່ວງເຊໂນ-ເມືອງພີນ, ໂຄງການກໍ່ສ້າງອາຄານຜູ້ໂດຍສານ ແລະ ຫໍບັນຊາການບິນທີ່ສະໜາມ ບິນສາກົນວັດໄຕ, ໂຄງການກໍ່ ສ້າງທາງເບີ 1 ນະຄອນຫລວງ ວຽງຈັນ, ໂຄງການປັບປຸງລະ ບົບນ້ຳປະປາ, ໂຄງການກໍ່ສ້າງ ໂຮງຫມໍ, ໂຮງຮຽນ ແລະ ອື່ນໆ, ນັບທັງໂຄງການກໍ່ສ້າງຂົວຫີນ ເຫີບ, ໃນນັ້ນ ລັດຖະບານຍີ່ປຸ່ນ ຍັງໄດ້ໃຫ້ການສະໜັບສະໜູນ ດ້ານການເງິນ ໃນການກໍ່ສ້າງ ຂົວຂ້າມນ້ຳຂອງ ສະຫວັນນະ ເຂດ-ມຸກດາຫານ ຫລື ຂົວມິດ ຕະພາບ 2 ຊຶ່ງເປັນການປະ ກອບສ່ວນອັນສຳຄັນຂອງລະ ບຽງເສດຖະກິດຕາເວັນອອກ- ຕາເວັນຕົກ ທີ່ຜ່ານ ສປປ ລາວ ການຊ່ວຍເຫລືອອັນສຳຄັນ ແລະ ສຸດທີ່ມີຄ່າຈາກລັດຖະ ບານ ກໍ່ຄືປະຊາຊົນຍີ່ປຸ່ນນີ້ ໄດ້ ນຳເອົາຜົນປະໂຫຍດອັນໃຫຍ່ ຫລວງມາສູ່ການພັດທະນາປະ ເທດ ສປປ ລາວ.

ການນຳໃຊ້ອາກອນມູນຄ່າເພີ່ມ ໃນລາຄານ້ຳມັນ

admin — Thu, 04 Feb 2010 08:38:51 +0000

ໂດຍປະຕິບັດຕາມໃບແຈ້ງການຂອງກົມສ່ວຍສາ ອາກອນ, ກະຊວງການເງິນສະ ບັບເລກທີ 284/ກງ.ກສອ, ລົງ ວັນທີ 6/11/2009 ກ່ຽວກັບ ການນຳໃຊ້ອາກອນມູນຄ່າ ເພີ່ມ ທີ່ເລີ່ມປະຕິບັດແຕ່ວັນທີ 1/01/2010 ເປັນຕົ້ນໄປ, ໂຄງ ສ້າງລາຄານ້ຳມັນເຊື້ອໄຟກໍ່ໄດ້ ມີການປ່ຽນແປງຈາກອາກອນ ຕົວເລກທຸລະກິດ (ອຕທ) 5% ມາເປັນອາກອນມູນຄ່າເພີ່ມ (ອມພ)10% ເຊິ່ງໄດ້ເລີ່ມປະຕິ ບັດແຕ່ວັນທີ 8/1/2010 ເປັນ ຕົ້ນມາ.

ຕໍ່ການປັບຂຶ້ນລາຄານ້ຳມັນ ຄັ້ງຫລ້າສຸດທີ່ຜ່ານມານີ້ ເຫັນວ່ານ້ຳມັນເຊື້ອໄຟທີ່ຂາຍ ພາຍໃນປະເທດມີລາຄາຂ້ອນຂ້າງສູງສົມຄວນ ເຊິ່ງມີສາເຫດ ມາຈາກນ້ຳມັນທີ່ນຳເຂົ້າມີລາ ຄາແພງຂຶ້ນຕາມລາຄາຕະ ຫລາດໂລກ ຍ້ອນການຊົມໃຊ້ ນ້ຳມັນເພີ່ມຂຶ້ນໃນສະພາບອາ ກາດຫນາວຜິດປົກກະຕິໃນ ເຂດເອີຣົບ ແລະ ອາເມລິກາ ບວກກັບການປ່ຽນແປງຈາກ ອຕທ 5% ມາເປັນ ອມພ 10%, ຕົວຢ່າງ ສົມທຽບລາຄາ ນ້ຳມັນທີ່ປັບຄັ້ງວັນທີ 25/12/ 2009 ຈຸດນະຄອນຫລວງວຽງ ຈັນ, ລາຄາຂ່າຍຍ່ອຍນ້ຳມັນ ແອັດຊັງພິເສດ 8.970 ກີບ/ ລິດ ໃນນັ້ນມີ ອຕທ 419 ກີບ; ນ້ຳມັນແອັດຊັງທຳມະດາ 8.050 ກີບ/ລິດ ມີ ອຕທ 376 ກີບ ແລະ ນ້ຳມັນກາຊວນ 6.650 ກີບ/ລິດ ອຕທ 310 ກີບ, ຕາມໂຄງສ້າງລາຄານ້ຳມັນທີ່ປັບຂຶ້ນໃນວັນທີ 8/01/2010ເຊິ່ງໄດ້ປ່ຽນແປງຈາກ ອຕທ ມາເປັນ ອມພ ສົ່ງຜົນ ໃຫ້ລາຄາຂາຍຍ່ອຍນ້ຳມັນ ແອັດຊັງພິເສດ ປັບຂຶ້ນເປັນ 9.650 ກີບ/ລິດ; ນ້ຳມັນແອັດ ຊັງທຳມະດາ 8.863 ກີບ/ລິດ ແລະ ນ້ຳມັນກາຊວນ 7.140 ກີບ/ລິດ ຊຶ່ງໃນນັ້ນມີ ອມພ ນ້ຳ ມັນແອັດຊັງພິເສດ 863 ກີບ, ນ້ຳມັນແອັດຊັງທຳມະດາ 771 ກີບ ແລະ ນ້ຳມັນກາຊວນ 635 ກີບ ຕາມລຳດັບ.

ສະນັ້ນສະມາຄົມນ້ຳມັນ ເຊື້ອໄຟ ແລະ ອາຍແກ໊ສ (ສນ ກ) ໃນນາມເປັນຜູ້ປະສານສົມ ທົບລະຫວ່າງພາກສ່ວນມະຫາ ພາກທີ່ກ່ຽວຂ້ອງ, ບໍລິສັດນ້ຳ ມັນ ແລະ ຜູ້ຊົມໃຊ້ ຈຶ່ງຂໍຊີ້ແຈງ ເພື່ອໃຫ້ສັງຄົມໄດ້ຮັບຊາບ ແລະ ມີຄວາມເຂົ້າໃຈຕາມນີ້ ດ້ວຍ.
http://www.pasaxon.org.la/content/29-1-10/news10.htm

ການປະກາດໃຊ້ ພາສີມູນຄ່າເພີ້ມ ພາໃຫ້ຄ່າໄຟຟ້າແພງຂຶ້ນ 5%

admin — Sat, 23 Jan 2010 05:20:49 +0000

ອາກອນມູນຄ່າເພີ່ມອອກຜົນ ຫລັງປະກາດຢ່າງເປັນທາງການເມື່ອຕົ້ນປີ, ລັດວິສາຫະກິດໄຟຟ້າລາວ ປະຕິບັດຕາມຄຳສັ່ງ ກຽມປ່ຽນອາກອນຕົວເລກທຸລະກິດຄ່າກະແສໄຟຟ້າຈາກ 5% ມາເປັນອາກອນມູນຄ່າເພີ່ມ 10% ເລີ່ມເດືອນນີ້ເປັນຕົ້ນໄປໃນຂອບເຂດທົ່ວປະເທດ ເຊິ່ງຈະເຮັດໃຫ້ຄ່າກະແສໄຟຟ້າເພີ່ມຂື້ນອິກ 5%
ລັດວິສາຫະກິດໄຟຟ້າລາວອອກແຈ້ງການເລກທີ 022⁄ ຟຟລ ລົງວັນທີ 5 ມັງກອນ 2010 ເລຶ່ອງການປ່ຽນແປງອາກອນຕົວເລກທຸລະກິດຄ່າກະແສໄຟຟ້າຈາກ 5% ມາເປັນອາກອນມູນຄ່າເພີ່ມ10% ວ່າ: ອີງຕາມໃບແຈ້ງການ ຂອງກົມສ່ວຍສາອາກອນກ່ຽວກັບ ການນຳໃຊ້ອາກອນມູນຄ່າເພີ່ມ ເລີ່ມແຕ່ວັນທີ 1 ມັງກອນ 2010 ເປັນຕົ້ນໄປ ສະບັບເລກທີ 284⁄ກງກສອ ລົງວັນທີ 6 ພະຈິກ2009; ລັດວິສາຫະກິດໄຟຟ້າລາວແຈ້ງໃຫ້ຊາບກ່ຽວກັບການ
ນຳໃຊ້ອາກອນມູນຄ່າເພີ່ມ10% ເຊິ່ງຈະຄິດໄລ່ຢູ່ໃນບີນຄ່າກະແສໄຟຟ້າ ໃນແຕ່ລະເດືອນເຊີ່ງຈະເລີ່ມແຕ່ເດືອນມັງກອນ 2010 ເປັນຕົ້ນໄປ (ແຕ່ກອນແມ່ນຄິດໄລ່ ອຕທ 5% ປ່ຽນມາເປັນອາກອນມູນຄ່າເພີ່ມ 10%)
ຈາກການປ່ຽນແປງການເກັບອາກອນຕົວເລກທຸລະກິດ ຫລື ອຕທ 5% ທີ່ລັດວິສາຫະກິດໄຟຟ້າລາວ ເຄີຍເກັບນຳຜູ້ຊົມໃຊ້ກະແສໄຟຟ້າໃນເມື່ອກອ່ນມາເປັນການເກັບອາກອນມູນຄ່າເພີ່ມໃນອັດຕາ 10% ນັ້ນ ຈະເຮັດໃຫ້ຄ່າກະແສໄຟຟ້າ ທີຜູ້ຊົມໃຊ້ຕ້ອງຈ່າຍ ເພີ່ມຂື້ນອີກ 5% ຂອງຈຳນວນທີເຄີຍຈ່າຍໃນໄລຍະຜ່ານມາ ເຊິ່ງອັດຕາດັ່ງກ່າວຈະເລີ່ມປະຕິບັດ ນັບແຕ່ເດືອນມັງກອນນີ້ເປັນຕົ້ນໄປໃນຂອບເຂດທົ່ວປະເທດ
ລັດຖະບານໄດ້ປະກາດເລີ່ມຈັດຕັ້ງປະຕິບັດຢ່າງເປັນທາງການອາກອນມູນຄ່າເພີ່ມດັ່ງກ່າວ
ມາແຕ່ ວັນທີ 1 ມັງກອນເປັນຕົ້ນມາ ຫລັງເລື່ອນການຈັດຕັ້ງປະຕິບັດມາແລ້ວຄັ້ງໜື່ງ ເມື່ຶອປີ 2009 ຫລັງຈາກສາເຫດຄວາມຫ້ຍຸງຍາກທາງດ້ານເສດຖະກິດ ໃນປີດັ່ງກ່າວ ບວກກັບຄວາມພ້ອມທາງດ້ານເຕັກນິກ ຍັງບໍ່ທັນໄດ້100% ຈິ່ງໄດ້ມີການເລື່ອນການຈັດຕັ້ງປະຕິບັດ ອາກອນຮູບແບບໃໝ່ດັ່ງກ່າວ ລັດຖະບານ, ໂດຍສະເພາະກະຊວງການເງີນ ໄດ້ເດີນຫນ້າຢ່າງເຕັມໂຕໃນການເຜີຍແຜ່ອາກອນດັ່ງກ່າວ ປະຈຸບັນຈົນສາມາດຈັດຕັ້ງປະຕິບັດໄດ້.
ລັດຖະບານຫວັງວ່າ ການເລີ່ມເກັບອາກອນຮູບແບບໃໝ່ (ອາກອນມູນຄ່າເພີ່ມ)ນີ້ ຈະເປັນແຫລ່ງລາຍຮັບອັນສຳຄັນໃຫ້ແກ່ພັກລັດໂດຍຄາດການວ່າ:ຈະເຮັດໃຫ້ລາຍຮັບຂອງພັກລັດເພີ່ມຂື້ນເຖິງ 1,4%ຂອງຈິດີພີ.

ອາກອນມູນຄ່າເພີ່ມນີ້ເປັນອາກອນຮູບແບບໃໝ່ສຳລັບ ສປປ ລາວ ແຕ່ສຳລັບປະເທດອື່ນ ແມ່ນໄດ້ມີການນຳໃຊ້ມາດົນແລ້ວ ປະຈຸບັນມີປະມານ 130 ປະເທດ ທີສາມາດນຳໃຊ້ ລະບົບອາກອນດັ່ງກ່າວເປັນລະບົບ ທີ່ທັນສະໄໝ ເຫມາະສົມ ກັບການຂະຫຍາຍຕົວທາງດ້ານເສດຖະກິດໃນປະຈຸບັນ ໂດຍສະເພາະແມ່ນ ສປປ ລາວທີເປັນຫນື່ງໃນສາມາຊີກອາຊຽນ ແລະ ຍັງກຽມທີຈະເຂົ້າເປັນສະມາຊິກຂອງອົງການການຄ້າໂລກ
ອາກອນມູນຄ່າເພີ່ມ ຫລື ອມພ ເປັນອາກອນທາງອ້ອມປະເພດຫນື່ງ ທີເກັບຈາກການຊົມໃຊ້ສີນຄ້າເຄືອງຂອງ ຫລື ການບໍລິການທີສະຫນອງໂດຍຜູ້ມອບ ອມພ ທີຂື້ນທະບຽນໃນລະບົບ ອມພ ແລະເກັບຈາກການນຳເຂົ້າສີນຄ້າ ແລະ ການບໍລິການບາງຢ່າງຈາກຜູ້ສະຫນອງທີບໍ່ສ້າງຕັ້ງ ແລະບໍ່ຂື້ນທະບຽນ ອມພ ຢູ່ ສປປ ລາວ
ອມຕ ຈະມາປ່ຽນແທນອາກອນຕົວເລກທຸລະກິດ ຫລື ອຕທ ທີ່ເຄີຍເກັບໃນເມືອກ່ອນ ໃນອັດຕາ 5% ເປົ້າຫມາຍຂອງຜູ້ຕ້ອງເຂົ້າໃນລະບົບ ອມພ ແມ່ນຫົວຫນ່ວຍທຸລະກິດທີມີລາຍຮັບແຕ່ 400ລ້ານກິບຂື້ນໄປ ຫລື ຜູ້ດຳເນີນທຸລະກິດອືນໆ ກໍ່ສາມາດສະຫມັກໃຈຂື້ນທະບຽນ ອມພ ກໍ່ໄດ້ ເຊິ່ງລັດວິສາຫະກິດໄຟຟ້າລາວ ແມ່ນຕົກໃນກໍລະນີຂອງຫົວຫນ່ວຍທຸລະກິດ ທີໃຫ່ຍ ມີລາຍຮັບສູງກ່ວາ 400 ລ້ານກີບ ຈິ່ງຕົກເຂົ້າໃນເປົ້າຫມາຍຂອງຜູ້ເຂົ້າລະບົບ ອມພ ສົ່ງຜົນໃຫ້ລັດວິສາຫະກິດໄຟຟ້າລາວ ຕ້ອງປະຕິບັດຕາມກົດຫມາຍ ວ່າດ້ວຍອາກອນມູນຄ່າເພີ່ມຢ່າງເຂັ້ມງວດ

ຄົ້ນພົບເສົາຫີນຫຼັກເມືອງອາຍຸ 470ປີ ຈຳນວນຫລາຍ

admin — Sun, 17 Jan 2010 04:59:46 +0000

евтини мебелиໄດ້ມີການຄົ້ນພົບ ກອງຫີນບູຮານ ຈຳນວນຫລວງຫລາຍ ທີ່ບ້ານເພຍວັດ ເຂົ້າໃຈວ່າ ເປັນເສົາຫີນຫຼັກເມືອງ ທີ່ຂຸດຄົ້ນພົບທັງ 2 ຄັ້ງຄື: ຄັ້ງທີ 1 ຂຸດຄົ້ນພົບເມື່ອປີ 2007 ຈຳນວນ 193 ໜ່ວຍ ແລະ ຄັ້ງທີ 2 ນີ້ ຈຳນວນ 97 ໜ່ວຍ ຊຶ່ງເປັນສິ້ນສ່ວນ ຮ່ອງຮອຍປະຫວັດສາດຂອງຊາດລາວເຮົາ ໃນຍຸກສະໄໝກ່ອນ ຕາມການສັນນິຖານ ເສົາຫີນທີ່ຂຸດຄົ້ນພົບຈຳນວນດັ່ງກ່າວ ແມ່ນມີອາຍຸປະມານ 470 ປີ ກ່ອນສ້າງເມືອງວຽງຈັນ 20 ປີ ລັກສະນະເສົາຫີນທີ່ຂຸດຄົ້ນພົບ ເປັນກ້ອນຫີນທີ່ມີລັກຊະນະຫຼາຍຮູບຊົງ ແລະ ວາງຢູ່ຈຸດດຽວກັນ. ຂໍ້ມູນຈາກ ວຽງຈັນໃຫມ່.

ສົ່ງທ້າຍ-ປີເກົ່າຕ້ອນຮັບປີໃໝ່ສາກົນ ອຸບັດເຫດ 200 ກໍລະນີ

admin — Fri, 08 Jan 2010 07:54:22 +0000

ໄລຍະສົ່ງທ້າຍປີເກົ່າ 2009 ຕ້ອນຮັບປີໃໝ່ສາກົນ 2010 ໄດ້ເກີດມີອຸບັດເຫດເກືອບ 200 ກໍລະນີ ພາຫະນະເປ່ເພ 300 ກ່ວາຄັນ ຄົນໄດ້ຮັບບາດເຈັບ 300 ຄົນ ແລະ ເສຍຊີວິດ 23 ຄົນ ສາເຫດຕົ້ນຕໍກໍຍັງແມ່ນຈາກການດື່ມສິ່ງມຶນເມົາ ແລ້ວຂັບຂີ່ພາຫະນະ.
ກ່ຽວກັບເລື່ອງນີ້ ກົມຕຳຫຼວດຈະລາຈອນກະຊວງປ້ອງກັນຄວາມສະຫງົບ ໄດ້ລາຍງານໃຫ້ຊາບວ່າ: ໃນໄລຍະສົ່ງທ້າຍປີເກົ່າ 2009 ຕ້ອນຮັບປີໃໝ່ 2010 ໃນລະຫວ່າງວັນທີ 28 ທັນວາ 2009 ຫາ 3 ມັງກອນ 2010 ໃນທົ່ວປະເທດໄດ້ເກີດມີອຸບັດເຫດທັງໝົດ 183 ກໍລະນີ ມີພາຫະນະເປ່ເພ 353 ຄັນ ຜູ້ ຂັບຂີ່ໄດ້ຮັບບາດເຈັບເລັກນ້ອຍເຖິງສາຫັດ 355 ຄົນ ແລະ ໄດ້ເສຍຊີວິດ 23 ຄົນ ແຂວງທີ່ເກີດອຸບັດເຫດຫຼາຍກ່ວາໝູ່ແມ່ນນະຄອນຫຼວງວຽງຈັນ ມີ 49 ກໍລະນີມີພາຫະນະເປ່ເພ 100 ຄັນ ຄົນໄດ້ຮັບບາດເຈັບ 120 ຄົນ ແລະ ເສຍຊີວິດ 5 ຄົນ ຖັດມາແມ່ນແຂວງຈຳປາສັກ ຈຳນວນ 27 ກໍລະນີ ມີພາ ຫະນະເປ່ເພ 44 ຄັນ ຄົນໄດ້ຮັບບາດເຈັບ 49 ຄົນ ແລະ ເສຍຊີວິດ 1 ຄົນ ອັນດັບ 3 ແມ່ນ ແຂວງຫຼວງພະບາງ ມີ 17 ກໍລະນີເສຍຊີວິດ 1 ຄົນ.
ສ່ວນແຂວງເກີດອຸບັດເຫດນ້ອຍກ່ວາໝູ່ແມ່ນແຂວງຜົ້ງສາລີ ມີ 1 ກໍລະນີ ບາດເຈັບ 1 ຄົນ ຖັດມາແມ່ນແຂວງບໍລິຄຳໄຊ 3 ກໍລະນີ ແຕ່ໜ້າເສຍດາຍ ເສຍຊີວິດເຖິງ 4 ຄົນ ຖືວ່າສູນເສຍຫຼາຍກ່ວາໝູ່ ຖ້າທຽບໃສ່ຈຳນວນອຸບັດເຫດທີ່ເກີດຂຶ້ນ ສ່ວນອັນດັບ 3 ແມ່ນແຂວງອັດຕະປື ແລະ ແຂວງຫົວພັນ ເກີດອຸບັດເຫດ 4 ກໍລະນີ ເສຍຊີວິດ 3 ຄົນ ເທົ່າກັນ.
ສາເຫດຕົ້ນຕໍກໍຍັງແມ່ນມາຈາກຜູ້ຂັບຂີ່ດື່ມເຫຼົ້າ-ເບຍ ແລະ ສິ່ງມຶນເມົາອື່ນໆ ແລ້ວຂັບຂີ່ຍວດຍານພາຫະນະ ແລະ ບໍ່ເຄົາລົບນັບຖືກົດລະບຽບຈະລາຈອນ ຢ່າງເຂັ້ມງວດເຊັ່ນເຄີຍ.

ຂໍ້ມູນຈາກ ນສພ ວຽງຈັນໃຫມ່

ລາວຈະນຳໃຊ້ ອາກອນມູນຄ່າເພີ່ມ ໃນຕົ້ນປີໜ້າ

admin — Mon, 28 Dec 2009 10:36:06 +0000

ການນຳໃຊ້ອາກອນມູນຄ່າເພີ່ມ ມີເປົ້າໝາຍແນໃສ່ສົ່ງເສີມການຜະລິດ ການບໍລິການ ການສົ່ງອອກ ແລະ ການລົງທຶນພາຍໃນ ແລະ ຕ່າງປະເທດ ພ້ອມນັ້ນ ຍັງເປັນການສ້າງຄວາມເຂັ້ມແຂງ ໃຫ້ແກ່ງົບປະມານແຫ່ງລັດ ເພື່ອປະກອບສ່ວນ ເຮັດໃຫ້ວຽກງານ ການພັດທະນາເສດຖະກິດ-ສັງຄົມ ຂະຫຍາຍຕົວຢ່າງ ຕໍ່ເນື່ອງ ຊຶ່ງ ສປປ ລາວ ຈະໄດ້ນຳໃຊ້ອາກອນມູນຄ່າເພີ່ມ ແຕ່ວັນທີ 1 ມັງກອນ 2010 ເປັນຕົ້ນໄປ.

ຄົ້ນພົບນົກສາຍພັນໃຫມ່ຢູ່ລາວ

admin — Thu, 24 Dec 2009 11:06:43 +0000

ນົກ limestone leaf warbler ເປັນນົກ ທີ່ມີສີສັນສວຍງາມ ທີ່ທິມນັກວິທະຍາສາດ ຈາກລາວແລະຊູແອດ ຄົ້ນພົບຢູ່ຕາມປ່າຫີນ ຂອງລາວ ແລະ ຫວຽດນາມ. ນົກຊະນິດນີ້ ມີສຽງທີ່ແຕກຕ່າງຈາກນົກອື່ນໆ ໃຈສາຍພັນດຽວກັນ ສາມາດພົບເຫັນໄດ້ ຕາມພູຫີນປູນ ໃນແຂວງ ຄຳມ່ວນ, ບໍລິຄຳໄຊ ແລະ ສະຫວັນນະເຂດ ອ່ານລາຍລະອຽດຈາກ VientianeTimes

ແຜນການ ສ້າງບຶງທາດຫຼວງ ເປັນສວນນິເວດວິທະຍາ

admin — Thu, 24 Dec 2009 10:41:55 +0000

ບຶງທາດຫຼວງ ຕັ້ງຢູ່ເບື້ອງຕາເວັນອອກຂອງນະຄອນຫຼວງ ເປັນເຂດດິນບໍລິເວນນ້ຳກວ້າງຂວາງ ຍັງຄົງໄວຊຶ່ງຄວາມມີຊີວິດຊີວາ ຢູ່ໃນນະຄອນຫຼວງ ບຶງກວມເອົາເນື້ອທີ່ປະມານ ຫາ ກິໂລຕາແມັດ ແລະ ເຮັດໜ້າທີ່ເກັບກັກນ້ຳທີ່ລະບາຍອອກ ຊ່ວຍຄວບຄຸມ ແລະ ປ້ອງກັນນ້ຳຖ້ວມ ເກີດຈາກແຮງຍູ້ ຂອງແມ່ນ້ຳຂອງ ແລະ ເປັນອ່າງບຳບັດນ້ຳເປື້ອນ ອອກຈາກຄົວເຮືອນຢູ່ນະຄອນຫຼວງ ໄຫຼມາຕົກໃສ່ບຶງທາດຫຼວງ ບຶງທາດຫຼວງ ແມ່ນມີຄວາມໝາຍຄວາມ ສຳຄັນຍິ່ງທາງດ້ານວັດທະນະທຳ ແລະ ປະຫວັດສາດ ແລະ ຄວາມສຳຄັນໜຶ່ງອີກ ມີປະຊາຊົນ7 ພັນຄົວເຮືອນ ທີ່ອາໄສຢູ່ໃນ ແລະ ບໍລິເວນອ້ອມແອ້ມ ໂດຍອາໄສການປູກເຂົ້າ ປູກຜັກ ແລະ ຫາປາ ເພື່ອລ້ຽງຊີບ.
ຜູ້ຕາງໜ້າອົງການສະຫະປະຊາຊາດເພື່ອການອາຫານ ແລະ ການກະເສດ ປະຈຳ ສປປ ລາວ ໄດ້ກ່າວວ່າ: ມີສອງຢ່າງທີ່ໄດ້ຈາກເຂດດິນບໍລິເວນນ້ຳ ຂອງບຶງທາດຫຼວງ ຄື: ຜະລິດຕະພັນ ແລະ ການບໍລິການ ເມື່ອປະເມີນແລ້ວມີມູນຄ່າສູງເຖິງ 5 ລ້ານໂດລາຕໍ່ປີ ດັ່ງນັ້ນ ນະຄອນຫຼວງ ໂດຍສົມທົບກັບ ກະຊວງໂຍທາທິການ ແລະ ຂົນສົ່ງ ແລະ ອົງການ ສປຊ ເພື່ອອາຫານ ແລະ ການກະເສດ ປະຈຳ ສປປ ລາວ ເປັນເຈົ້າການຊອກຫາທາງເລືອກເພື່ອ ພັດທະນາເຂດດິນບໍລິເວນນ້ຳ ຂອງບຶງທາດຫຼວງດັ່ງກ່າວ ໃຫ້ກາຍເປັນສວນນິເວດທຳມະຊາດ ແຜນການດັ່ງກ່າວມີຈຸດປະສົງ ເພື່ອຍາດແຍ່ງເອົາການພັດ ທະນາເຂດດິນບໍລິເວນນ້ຳ ຂອງບຶງທາດຫຼວງແບບປະສົມປະສານ ປອດໃສ ມີຄວາມປະສານກົມກ່ຽວ ໂດຍຜ່ານການຈັດຕັ້ງປະຕິບັດແຜນຜັງຊີ້ນຳລວມ ຂອງເຂດດັ່ງກ່າວ ແນໃສ່ເພື່ອຄ້ຳປະກັນການປົກປັກຮັກສາເຂດບຶງທາດຫຼວງ ແລະ ປະໂຫຍດທີ່ໄດ້ຈາກການບໍລິການຂອງເຂດດັ່ງກ່າວ.
ໂຄງການດັ່ງກ່າວປະກອບມີອາຄານນິເວດ ຫ້ອງການຂອງອົງການອາຫານໂລກ ເສັ້ນທາງທ່ຽວຊົມເຂດດິນບໍລິເວນນ້ຳ ແລະ ເສັ້ນທາງຍ່າງເພື່ອສຸຂະ ພາບ ເຂດຟື້ນຟູ ແລະ ປູກປ່າ ກໍ່ສ້າງເຂດດິນບໍລິເວນນ້ຳ ແລະ ສູນຕ້ອນຮັບເພື່ອການສຶກສາຄົ້ນຄ້ວາ ປະເມີນເບື້ອງຕົ້ນມູນຄ່າລວມໂຄງການທັງໝົດ 1,28 ລ້ານໂດລາ.
ໂຄງການດັ່ງກ່າວນີ້ ຖ້ານະຄອນຫຼວງ ເຫັນດີ ແລະ ອະນຸຍາດ ໂຄງການກໍຈະໄດ້ຮັບການຈັດຕັ້ງປະຕິບັດ ໂດຍເລີ່ມຈາກການເຊັນສັນຍາກັນກ່ອນ.
http://www.vientianemai.net/news.php?col=1&id=546

ລາວຍາດໄດ້ 25 ຫລຽນຄຳຕາມເປົ້າຫມາຍ

admin — Thu, 17 Dec 2009 05:12:55 +0000

ລາວ ຕັ້ງເປົ້າຫມາຍໃນການແຂ່ງຂັນກິລາຊີເກມ ຄັ້ງທີ 25 ທີ່ລາວເປັນເຈົ້າພາບ ໄວ້ທີ່ 25 ຫລຽນຄຳ ຈາກ 25ປະເພດກິລາ ແລະ ນັບແຕ່ເລີ້ມການແຂ່ງຂັນມາຮອດ ວັນທີ 16 ທັນວາ ລາວສາມາດບັນລຸເປົ້າຫມາຍ ຍາດໄດ້ຫລຽນຄຳ ຫລຽນທີ 25 ແລະ ຍັງມີໂອກາດຍາດໄດ້ຕື່ມອີກ ເພາະຍັງມີການຊີງກັນອີກຫລາຍຫລຽນ

ກົດທີ່ຮູບເພື່ອເບິ່ງຮູບທີ່ໃຫຍ່ຂຶ້ນ

ຈີນລົງມືສ້າງຂົວຂ້າມທະເລ ທີ່ຍາວທີ່ສຸດໃນໂລກ

admin — Thu, 17 Dec 2009 04:37:35 +0000

ຈີນເລີ້ມລົງມືສ້າງຂົວຂ້າມທະເລ ຈາກກວາງຕຸ້ງ ເຊື່ອມໂຍງກັບມາກາວ ແລະ ຮົງກົງ ລວງຍາວປະມານ 50 ກິໂລແມັດ. ຂົວດັ່ງກ່າວ ສາມາດທົນທານ ຕໍ່ພາຍຸໃຕ້ຝຸ່ນ ແລະ ແຜ່ນດິນໄຫວ. ເຈົ້າຫນ້າທີ່ຈີນ ບອກວ່າ ເມື່ອຂົວສ້າງສຳເລັດ ປະມານປີ 2016 ຂົວດັ່ງກ່າວຈະເປັນຂົວຂ້າມທະເລ ທີ່ຍາວທີ່ສຸດໃນໂລກ.

ທີ່ມາ http://news.bbc.co.uk